قائد ن لیگ نواز شریف جاتی امراء سے مری کے لیے روانہ

11-20-2023

(لاہور نیوز) پاکستان مسلم لیگ ن کے قائد محمد نواز شریف جاتی امراء سے مری کیلئے روانہ ہو گئے۔

پارٹی ذرائع کے مطابق سابق وزیراعظم مری میں لیگل ٹیم سے اپنے کیسز پر مشاورت کریں گے، نواز شریف 21 نومبر کو العزیزیہ اور ایون فیلڈ ریفرنسز میں سزاؤں کیخلاف اپیلوں پر سماعت کے سلسلے میں اسلام آباد ہائیکورٹ پیش ہونگے۔ واضح رہے کہ اسلام آباد ہائیکورٹ کا دو رکنی بنچ 21 نومبر کو نواز شریف کی اپیلوں پر سماعت کرے گا، میاں نواز شریف کے ہمراہ سینئر لیگی رہنما بھی پیشی پر اسلام آباد جائیں گے۔