شاہینوں کی کپتانی کا معاملہ،محمد عامر نے بھی 3 نام تجویز کردیے

11-14-2023

(ویب ڈیسک)قومی کرکٹ ٹیم کے سابق فاسٹ باولر محمد عامر کی جانب سے ٹیم کے کپتان کے عہدے کیلئے 3 نام تجویز کردیے گئے ۔

  اپنے ایک انٹرویو میں محمد عامر نے کرکٹ کے تینوں فارمیٹس میں قومی ٹیم کی کپتانی کیلئے الگ الگ نام پیش کیے ہیں۔محمد عامر نے کہا کہ آل راؤنڈر عماد وسیم ٹی ٹوئنٹی کپتان کے لیے موزوں امیدوار ہیں جبکہ ون ڈے کیلئے اگر آپ کپتان بدلنا چاہتے ہیں تو شان مسعود ایک بہت اچھا آپشن ہو سکتا ہے۔ محمد عامر نے ٹیسٹ فارمیٹ کیلئے تجربہ کار وکٹ کیپر بلے باز سرفراز احمد کو ٹیم کی قیادت سونپنے کی تجویز دی ہے۔انہوں نے کہا کہ اگر آپ ٹیسٹ کپتانی کے لیے تیار کرنا چاہتے ہیں تو سرفراز کے پاس کرکٹ میں ابھی 2 سال باقی ہیں اس لیے انہیں کپتان بنانے کے ساتھ ساتھ کسی نوجوان کو انکا نائب مقرر کریں تاکہ وہ ان کے تجربے سے سیکھ سکے۔ واضح رہے کہ آئی سی سی ورلڈکپ میں پاکستانی ٹیم کی ناقص پرفارمنس پر کپتان بابراعظم نے قیادت کے فرائض سے سبکدوش ہونے پر غور شروع کردیا ہے جس کیلئے انہوں نے رمیز راجا سمیت اپنے قریبی ساتھیوں سے مشاورت بھی کی ہے۔