لاہور سمیت متعدد علاقوں میں دھند چھائے رہنے کا امکان

11-05-2023

(لاہور نیوز) ملک کے بیشترعلاقوں میں آج موسم خشک رہے گا البتہ لاہور سمیت متعدد علاقوں میں دھند چھائے رہنے کا امکان ہے۔

محکمہ موسمیات کا کہنا ہے کہ ملک کے بیشترعلاقوں میں آج موسم خشک رہے گا، اسلام آباد میں موسم خشک جبکہ مطلع جزوی طور پر ابرآلود رہے گا، مغربی بلوچستان میں مطلع ابرآلود رہے گا البتہ چند مقامات پرگرج چمک کے ساتھ  بارش کا امکان ہے۔ دوسری جانب منگلا، سیالکوٹ، نارووال، گوجرانوالہ، لاہور، اوکاڑہ میں دھند چھائی رہے گی۔ جھنگ، خانیوال، ملتان، بہاولپور اور ڈیرہ غازی خان میں بھی دھند چھائے رہنے کا امکان ہے۔ محکمہ موسمیات کے مطابق گزشتہ روز کالام میں درجہ حرارت منفی ایک ڈگری سنٹی گریڈ ریکارڈ کیا گیا۔ اسلام آباد میں کم سے کم درجہ حرارت11 ڈگری سنٹی گریڈ رہا۔