ورلڈکپ: کیچز پکڑنے میں پاکستان نے تمام ٹیموں کو پیچھے چھوڑ دیا

11-03-2023

(ویب ڈیسک) انڈیا میں جاری آئی سی سی ورلڈکپ میں پاکستان کرکٹ ٹیم نے کیچز پکڑنے کے معاملے میں تمام ٹیموں کو پیچھے چھوڑ دیا۔

میگا ایونٹ میں پاکستانی فیلڈرز 7 میچز میں 37 میں سے 31 مواقع پر کیچز تھامنے میں کامیاب ہوئے جبکہ 2 کیچز ایسے ڈراپ ہوئے جس نے قومی ٹیم کیلئے میچ کا نقشہ تبدیل کردیا تھا۔ سری لنکا کے کوشل مینڈس کا کیچ امام الحق نے 18 پر ڈراپ کیا تھا بعدازاں انہوں نے 123 رنز کی اننگز کھیلی جبکہ ڈیوڈ وارنر کا کیچ اسامہ میر نے محض 10 رنز پر گرایا تھا اور انہوں نے 160 رنز کی اننگز کھیلی تھی۔ پاکستانی فیلڈرز کے کیچز تھامنے کی شرح سب سے زیادہ 86 فیصد ہے جبکہ 6 کیچز ڈراپ کیے گئے ہیں۔ نیدرلینڈ 85 فیصد کے ساتھ دوسرے، میزبان بھارت، انگلینڈ اور جنوبی افریقا 81 فیصد کیچز پکڑنے میں کامیاب ہوئے ہیں۔