کیا محمد شامی سجدہ کرتے کرتے رک گئے؟

11-03-2023

(ویب ڈیسک) ورلڈ کپ کے 33 ویں میچ میں سری لنکن بیٹنگ لائن کو تہس نہس کر دینے والے بھارتی بولر محمد شامی کے پانچ وکٹیں لینے کے بعد سجدہ کرتے کرتے رک جانے کی ویڈیو وائرل ہوگئی۔

ممبئی کے واکھنڈے سٹیڈیم میں کھیلے گئے میچ میں محمد شامی نے 5 اوورز میں 18 رنز دے کر 5 وکٹیں حاصل کیں۔ سوشل میڈیا پر وائرل ہونے والی ویڈیو میں دیکھا جا سکتا ہے کہ 18 ویں اوور میں محمد شامی نے کسون رجیتھا کو اپنا پانچواں شکار بنایا جس کے بعد وہ میدان پر گھٹنوں کے بل بیٹھے اور پھر دیگر کھلاڑیوں کے ساتھ جشن منانے لگے۔ سوشل میڈیا صارفین کی جانب سے کہا جا رہا ہے کہ شامی سجدہ کرنے جا رہے تھے لیکن کسی خوف کی وجہ سے رک گئے۔ ایک صارف کا کہنا تھا کہ شامی سجدہ کرنے جارہے تھے لیکن انہیں خیال آیا کہ وہ بھارت میں ہیں۔ ایک صارف کا کہنا تھا کہ شامی سجدہ کرنے والے تھے لیکن انہیں یاد آیا کہ وہ بھارتی ہیں اور اس کے لیے انہیں شدید ٹرولنگ کا سامنا کرنا پڑے گا۔