سلو اوور ریٹ، آئی سی سی نے پاکستانی ٹیم پر جرمانہ عائد کر دیا

10-28-2023

(لاہور نیوز) کرکٹ ورلڈ کپ 2023ء میں جنوبی افریقہ کیخلاف میچ میں سلو اوور ریٹ پر انٹرنیشنل کرکٹ کونسل (آئی سی سی) نے پاکستانی ٹیم پر جرمانہ عائد کر دیا۔

آئی سی سی کی جانب سے پاکستانی ٹیم پر میچ فیس کا 20 فیصد جرمانہ عائد کیا گیا ہے، قومی کرکٹ ٹیم نے جنوبی افریقہ کیخلاف میچ میں مقررہ وقت میں 4اوورز کم کروائے تھے۔ خیال رہے کہ گزشتہ روز چنئی میں کھیلے گئے پاکستان اور جنوبی افریقہ کے درمیان میچ میں قومی ٹیم کو سنسنی خیز مقابلے کے بعد شکست کا سامنا کرنا پڑا تھا۔