ن لیگ کے مینار پاکستان جلسے میں کتنے لوگ تھے؟ تعداد سامنے آگئی

10-22-2023

(ویب ڈیسک) مسلم لیگ (ن) کے مینار پاکستان پر ہونے والے جلسے میں شریک افراد کی تعداد کے حوالے سے اعداد و شمار سامنے آگئے۔

مسلم لیگ (ن) نے نواز شریف کی چار سالہ خود ساختہ جلا وطنی کے بعد وطن واپسی کے موقع پر مینار پاکستان میں جلسے کا انعقاد کیا، جس میں ن لیگ کے قائد نے تقریر کی اور نو نکاتی ایجنڈا جاری کیا۔ لاہور پولیس کی جانب سے بتایا گیا ہے کہ جلسے میں 60 سے 70 ہزار افراد نے شرکت کی جبکہ سپیشل برانچ کے مطابق جلسہ گاہ میں 75 ہزار لوگ موجود تھے۔ اسی طرح  انٹیلی جنس بیورو کا کہنا ہے کہ 65 سے 70 ہزار لوگ جلسہ گاہ میں موجود تھے جبکہ ملٹری انٹیلی جنس کا بیان ہے کہ 80 سے 90 ہزار لوگ جلسہ گاہ میں موجود تھے۔ اُدھر حساس ادارے کی جانب سے جاری اعداد و شمار میں بتایا گیا ہے کہ جلسہ گاہ میں ایک لاکھ 5 ہزار لوگ موجود تھے۔