چیئرمین پی ٹی آئی کی بیٹوں سے ٹیلیفونک گفتگو، بچے جذباتی ہوگئے

10-22-2023

(ویب ڈیسک) چیئرمین تحریک انصاف نے اڈیالہ جیل سے برطانیہ میں موجود اپنے بچوں سے ٹیلیفونک گفتگو کی ، بیٹے دوران گفتگو جذباتی ہوگئے۔

جیل ذرائع کے مطابق واٹس ایپ ٹیلی فون کال 30 منٹ جاری رہی، ٹیلی فون کال گزشتہ روز ساڑھے 4 بجے سے 5 بجے تک کی گئی جبکہ ٹیلی فون خصوصی عدالت کے جج ابوالحسنات ذوالقرنین کے حکم سے کرائی گئی۔ ذرائع کے مطابق دونوں بیٹوں قاسم اور سلمان نے چییرمین تحریک انصاف سے گفتگو کی اور اس دوران بیٹے گرفتار والد سے گفتگو کرتے جذباتی ہوگئے جبکہ چیئرمین پی ٹی آئی مسکراتے ہوئے انہیں تسلی دیتے رہے۔