نواز شریف نے بحرانوں سے نجات کیلئے 9 نکاتی ایجنڈا دے دیا

10-21-2023

(لاہور نیوز) سابق وزیر اعظم محمدد نواز شریف نے ملک کو بحرانوں سے نکالنے کے لیے 9 نکاتی ایجنڈا دے دیا۔

4  سال بعد وطن واپسی پر مینار پاکستان پر جلسہ عام سے خطاب میں پاکستان مسلم لیگ (ن) کے قائد محمد نوازشریف نے ملک کو بحرانوں اور عوام کو مہنگائی، بے روزگاری اور غربت سے نجات دلانے کے لئے 9 نکاتی ایجنڈا پیش کیا ہے۔ 1۔ سرکاری اور انتظامی اخراجات میں کمی۔ 2۔ آمدنی، محصولات میں اضافہ، ٹیکس کے نظام میں بنیادی اصلاحات۔ 3۔ برآمدات میں اضافے کے لئے فوری اور ہنگامی نوعیت کے اقدام۔ 4۔ انفارمیشن ٹیکنالوجی میں انقلاب۔ 5۔ توانائی (بجلی گیس) کی قیمتیں کم کرنا۔ 6۔ خسارے میں چلنے والے سرکاری اداروں کی انتظام کاری۔ 7۔ نوجوانوں اور خواتین کے لئے روزگار کے مواقع۔ 8۔ زراعت میں جدید ٹیکنالوجی کے ذریعے انقلاب۔ 9۔ نظام عدل وانصاف میں اصلاحات۔