بابراعظم کے ساتھ ہمیشہ سے احترام کا رشتہ ہے: عماد وسیم

10-20-2023

(ویب ڈیسک) قومی ٹیم کے آل راؤنڈر عماد وسیم نے ایک بار پھر کپتان بابراعظم سے متعلق لب کشائی کرتے ہوئے کہا ہے کہ انکا بابراعظم کے ساتھ ہمیشہ سے احترام کا رشتہ ہے۔

ایک انٹرویو کے دوران ماضی میں ناخوشگوار تعلق کا ذکر کیے جانے پر آل راؤنڈر نے کہا کہ سوال پیچیدہ ہے مگر اس میں کوئی صداقت نہیں کہ ہمارے درمیان دشمنی ہے۔ یاد رہے کہ چند ماہ قبل ’’کرکٹ پاکستان‘‘ کو انٹرویو میں ہی عماد وسیم نے کہا تھا کہ ملک کے لیے کھیلتے ہوئے سب باتیں ایک طرف کردی جاتی ہیں، میرا اور بابراعظم کا ہمیشہ احترام کا رشتہ رہا ہے۔ اسی طرح کے باتیں قومی ٹیم کے ڈائریکٹر مکی آرتھر اور محمد عامر کے تعلق کے بارے میں بھی کی جاتی رہی ہیں۔ پیسر نے اس حوالے سے سوال پر کہا کہ میں مکی آرتھر سے اب بھی رابطے میں رہتا ہوں، میرا کرکٹ سے ہٹ کر بھی ان کے ساتھ اچھا تعلق ہے۔