نواز شریف 21 اکتوبر کو پاکستان کی تقدیر بدلیں گے: عطا تارڑ

10-18-2023

(ویب ڈیسک) مسلم لیگ ن کے سینئر رہنما عطا تارڑ نے کہا ہے کہ نواز شریف بہادر لیڈر ہیں، 21 اکتوبر کو پاکستان کی تقدیر بدلیں گے۔

جلسہ سے خطاب میں عطا تارڑ  نے کہا کہ سابق وزیر اعظم شہباز شریف کے آئی ایم ایف کے ساتھ معاہدہ سے ملک کے حالات اب بہتر ہو رہے ہیں۔ انہوں نے کہا کہ نواز شریف نے پورے پاکستان میں موٹرویز کا جال بچھایا، نواز شریف نے کام کیا اور ہمارے مخالفین  نے صرف باتیں کیں۔ رہنما مسلم لیگ (ن) نے کہا کہ جہلم کا چودھری اتنا بھاگا ہے کہ اس کی سانس پھول گئی، بزدل کی اپنی باری آئی تو بھاگ گیا۔ حاضرین کو مخاطب کرتے ہوئے عطا تارڑ  نے کہا کہ ہاتھ کھڑے کر کے بتاؤ نواز شریف کا استقبال کرنے کون کون جائے گا؟ یہ ہماری اور پاکستان کی بقا کی جنگ ہے۔