پاکستان میں رجسٹرڈ ٹیکس دہندگان کی تعداد کتنی ہوگئی ہے؟عالمی بینک نے بتا دیا

10-15-2023

(ویب ڈیسک) عالمی بینک کی رپورٹ کے مطابق پاکستان میں رجسٹرڈ ٹیکس دہندگان کی تعدادایک کروڑ کی ریکارڈ سطح پر پہنچ گئی ہے۔

پاکستان کے لیے عالمی بینک کے 40 کروڑ ڈالر سے ریونیوبڑھانے کے منصوبے کی عملدر آمد رپورٹ میں کہا گیا کہ کمزور ٹیکس سٹرکچر پہلے سے ٹیکس نیٹ میں شامل افراد اور کمپنیوں پر سارا بوجھ لاد رہا ہے۔  جون 2023 میں ٹوٹل ٹیکس دہندگان کی تعداد 98 لاکھ تھی جبکہ ایکٹیو انکم ٹیکس دہندگان کی تعداد 44 لاکھ تھی،جس کا مطلب یہ ہے کہ ایف بی آر میں رجسٹرڈ 54لاکھ ٹیکس دہندگان نے سالانہ انکم ٹیکس جمع نہیں کرائے،جس سے ظاہر ہوتا ہے کہ ایف بی آر 55 فیصد رجسٹرڈ ٹیکس دہندگان سے وصولیاں کرنے میں بھی ناکام رہا ہے۔ رپورٹ میں کہا گیا ہے کہ ٹیکس ریٹرنز جمع کرانے والوں میں سے بھی صرف 23 لاکھ افراد نے ٹیکس جمع کرایا ہے،جو کہ  رجسٹرڈ ٹیکس دہندگان کا 24 فیصد بنتے ہیں، مالی سال 2022 میں 80لاکھ افراد ایف بی آر میں رجسٹرڈ تھے، جن میں سے صرف 3 ملین افراد نے ریٹرنز جمع کرائے تھے۔