یمنیٰ زیدی نے بہترین اداکارہ کالکس سٹائل ایوارڈ جیت لیا
10-07-2023
(ویب ڈیسک) اداکارہ یمنیٰ زیدی نے بہترین اداکارہ کا لکس سٹائل ایوارڈ جیت لیا۔
رپورٹ کے مطابق لکس سٹائل ایوارڈز کی 22 ویں سالانہ تقریب میں اداکارہ بلال عباس اور ارسلان نصیر کو بہترین اداکار کے ایوارڈ سے نوازا گیا۔یمنیٰ زیدی نے 2 لکس سٹائل ایوارڈز جیتے اور سب سے زیادہ ایوارڈز لینے والی اداکارہ بن گئیں۔ یمنیٰ نے سوشل میڈیا پر اپنے کیریئر میں ملنے والے 4 ایوارڈز کے ساتھ تصویر شیئر کرتے ہوئے مداحوں کی محبت کا شکریہ ادا کیا اور لکھا کہ ’مضبوط بنیں، نڈر بنیں، خوبصورت رہیں، اور ”بختاور“ بنیں تو منزل آسان ہوجائے گی۔ ینگسٹ لائف ٹائم اچیومنٹ ایوارڈ 90 کی دہائی کی مقبول اداکارہ ریما خان کو دیا گیا جبکہ سینئر اداکارہ اور ڈائریکٹر مرینہ خان چینج میکر ایوارڈ کی حق دار قرار پائیں۔ تقریب میں مایا علی اور فرحان سعید نے ایک ساتھ پرفارمنس پیش کی۔ تقریب کی میزبانی کے فرائض فہد مصطفیٰ ، صبا قمر اور احمد علی بٹ نے انجام دئیے۔ لکس سٹائل ایوارڈز کی رنگا رنگ تقریب میں شوبز، فیشن اور سٹائل انڈسٹری کی مشہورشخصیات نے شرکت کی۔