غریب عوام کو ایک اور جھٹکا، بجلی کی قیمت میں بڑا اضافہ کردیا گیا

10-02-2023

(لاہور نیوز) غریب عوام کو ایک اور جھٹکا دیتے ہوئے بجلی کی فی یونٹ قیمت میں 3 روپے 28 پیسے تک اضافہ کردیا گیا۔

نیشنل الیکٹرک پاور ریگولیٹری تھارٹی (نیپرا) نے سہ ماہی ایڈجسٹمنٹ کی مد میں بجلی کی قیمت میں 3 روپے 28 پیسے فی یونٹ اضافے کی منظوری دے دی۔نیپرا کی جانب سے جاری نوٹیفکیشن کے مطابق بجلی کی قیمت میں اضافہ سہ ماہی ایڈجسٹمنٹ کی مد میں کیا گیا۔ بجلی کی قیمتوں میں اضافے کا اطلاق یکم اکتوبر سے مارچ 2024 تک ہوگا۔نیپرا نے بجلی کی قیمتوں میں اضافے کا فیصلہ حکومت کو بھجوایا تھا، بجلی کی قیمتوں میں اضافے کا اطلاق تمام صارفین پر ہوگا۔