شہر ڈاکوؤں کے نرغے میں، رواں برس 90 ہزار سے زائد وارداتیں رپورٹ

10-02-2023

(لاہور نیوز) شہر میں کرائم آؤٹ آف کنٹرول، رواں سال کے پہلے 9ماہ میں ڈکیتی ،سٹریٹ کرائم اور موٹرسائیکل چوری سمیت 90ہزار سے زائد وارداتیں ہوئیں،مبینہ پولیس مقابلے بھی وارداتوں میں کمی نہ لا سکے ۔

تفصیلات کے مطابق رواں برس کے پہلے 9 ماہ کے دوران  گھروں میں ڈکیتی اور سٹریٹ کرائم کی16ہزار  674 وارداتیں  رپورٹ ہوئیں،گاڑیاں اور موٹر سائیکلیں چھیننے کی13ہزار  424 وارداتیں ہوئیں،کار، موٹر سائیکل اور دیگر وہیکل چوری کی38ہزار 925 وارداتیں رپورٹ ہوئیں، گزشتہ سال کی نسبت شہر میں کرائم کی شرح میں  25 فیصد اضافہ ہوا ہے۔ پولیس کے مطابق رواں سال ڈکیتی مزاحمت پر 16افراد کو موت کے گھاٹ بھی  اتار ا گیا، 2022ءکے پہلے 9 ماہ میں  ڈکیتی مزاحمت پر 11افراد کو قتل کیا گیا، رواں سال کے پہلے 9 ماہ میں اغوا برائے تاوان کی 10وارداتیں ہوئیں جبکہ  گزشتہ سال کے پہلے 9 ماہ میں اغواء کاروں نے 7افراد کو تاوان کیلئے اغواکیا۔ پولیس ریکارڈکے مطابق رواں سال غیر ت اور  دیرینہ دشمنی پر 377افراد  کو قتل کر دیا گیا، رواں سال  پولیس مقابلوں کےدوران لاہورمیں 80 جبکہ پنجاب بھر میں 283 جرائم میں ملوث افراد مارے گئے۔