نگران وزیراعظم نے عمرہ ادا کر لیا، خانہ کعبہ کے اندر نماز کی سعادت

09-29-2023

(ویب ڈیسک) نگران وزیراعظم انوار الحق کاکڑ نے عمرہ ادا کر لیا جبکہ انہیں خانہ کعبہ کے اندر نماز کی سعادت بھی حاصل ہوئی۔

وزیراعظم آفس کی جانب سے جاری بیان کے مطابق نگران وزیراعظم انوار الحق کاکڑ گزشتہ شب مکہ مکرمہ پہنچے، جہاں انہوں نے عمرہ ادا کیا، نگران وزیراعظم نے خانہ کعبہ کے اندر نماز ادا کرنے کی سعادت حاصل کی۔ بعد ازاں انہوں نے مسجد الحرام میں امت مسلمہ اور پاکستان کی ترقی و خوشحالی کیلئے دعا کی۔ نگران وزیراعظم انوار الحق کاکڑ نے کل رات عمرہ ادا کیا۔وزیراعظم نے مسجد الحرام میں امت مسلمہ کی خوشحالی کے لیے دعا کی۔وزیراعظم نے خانہ کعبہ کے اندر نماز ادا کرنے کی سعادت بھی حاصل کی۔ pic.twitter.com/2AfxFKr2cQ — Government of Pakistan (@GovtofPakistan) September 29, 2023 اس سے پہلے نگران وزیراعظم کے مدینہ منورہ سے جدہ پہنچنے پر اعلیٰ سعودی حکام اور پاکستانی سفارت خانے کے عملے نے استقبال کیا تھا، انوار الحق کاکڑ جدہ ایئرپورٹ ہی سے عمرہ ادائیگی کیلئے مکہ مکرمہ روانہ ہوئے تھے۔ قبل ازیں نگران وزیراعظم لندن سے 2 روزہ دورے پر سعودی عرب پہنچے تھے، جہاں گورنر مدینہ شہزادہ فیصل بن سلمان نے ان کا استقبال کیا تھا، بعد ازاں نگران وزیراعظم نے روضہ رسولﷺ پر حاضری دی اور ریاض الجنہ میں نوافل ادا کئے۔