’’ابھی زندہ ہوں‘‘ ،عطاءاللہ عیسیٰ خیلوی اپنے انتقال کی افواہوں پر بول پڑے

09-28-2023

(ویب ڈیسک) معروف گلوکار عطاءاللہ عیسیٰ خیلوی نے اپنے انتقال کی افواہوں کی تردید کردی۔

پرائیڈ آف پرفارمنس ایوارڈ یافتہ گلوکارعطا اللہ عیسیٰ خیلوی نے کہا ہے کہ ابھی زندہ ہوں،ہر سال میرے مرنے کی سوشل میڈیا پر نیوز دی جاتی ہے اور ہر بار وہ جھوٹی ثابت ہوتی ہے۔ عطاء اللہ عیسیٰ خیلوی نے کہا کہ موت کا ایک دن متعین ہے اور جس گھڑی موت آنی ہے اس کو کوئی بدل نہیں سکتا، یہ سب پاک پروردگار کو معلوم ہے۔ دریں اثنا عطاءاللہ عیسیٰ خیلوی کے بیٹے سانول عیسیٰ خیلوی نے اپنے ایک ویڈیو بیان میں کہا کہ میرے والد صحیح سلامت ہیں اور ان کے بارے میں فیک نیوز چلائی گئی ہے، الحمداللہ ہم لوگ لندن میں خیریت سے ہیں۔