حسن علی ورلڈ کپ میں اچانک سلیکشن ،سوشل میڈیا پر بابراعظم کی میم سامنے آگئی

09-27-2023

(ویب ڈیسک)قومی کرکٹ ٹیم کے کپتان بابراعظم کی میم تیزی سے سوشل میڈیا پر وائرل ہوگئی۔

تفصیلات کےمطابق مصنوعی ذہانت (اے آئی ٹیکنالوجی) کے استعمال سے بابراعظم کی  آواز کو سوشل میڈیا وائس اوورز میں نقل اور استعمال کرکے  ایک میم سوشل میڈیا پر تیزی سے وائرل ہورہی ہے۔ آئی سی سی ورلڈکپ 2023 سے قبل روانگی سے قبل پریس کانفرنس کے دوران بابر سے پوچھا گیا کہ کس طرح سوشل میڈیا پلیٹ فارمز ایسے کلپس سے بھر گئے ہیں جن میں بابر کی آواز کے ساتھ ویڈیوز مختلف سوشل میڈیا پر گردش کررہی ہیں؟ بابراعظم ایک لمحے پریس کانفرنس میں اپنی آواز سن کر پریشان ہوگئے اور کہا کہ انہیں میری آواز کیسے ملی؟ورلڈکپ سکواڈ میں نسیم شاہ کی انجری کے بعد حسن علی کے سرپرائز سلیکشن کے بعد وقار ذکا کے ریئلٹی شو کی ایک مشہور میم ویڈیو انٹرنیٹ پر منظر عام پر آئی جس میں بابر اور حسن کے چہرے بدل گئے ہیں، اس ویڈیو میں سنا جاسکتا ہے کہ حسن علی بابر کو کہہ رہے کہ کیا میری سلیکشن ہوگئی ہے؟