ورلڈکپ: قومی ٹیم بھارت کب روانہ ہوگی، شیڈول سامنے آگیا

09-26-2023

(ویب ڈیسک) قومی کرکٹ ٹیم کی بھارت میں شیڈول ورلڈکپ کیلئے روانگی کا شیڈول سامنے آگیا۔

قومی کرکٹ ٹیم بھارت میں شیڈول ورلڈکپ کیلئے آج رات لاہور کے علامہ اقبال انٹرنیشنل ایئرپورٹ سے رات 9 بجے دبئی کیلئے روانہ ہوگی بعدازاں مختصر قیام کے بعد حیدرآباد پہنچے گی۔ بھارت کی جانب سے قومی ٹیم کے ویزوں میں تاخیر کے باعث دبئی میں قیام مختصر کردیا گیا ہے۔ بھارتی حکام نے گزشتہ روز پاکستان کرکٹ بورڈ (پی سی بی) کے انٹرنیشنل کرکٹ کونسل (آئی سی سی) سے احتجاج کے بعد 33 رکنی سکواڈ اور سپورٹ سٹاف کے ویزے جاری کیے تھے۔ دوسری جانب پاکستانی شائقین کرکٹ کے ویزوں کے حوالے سے تاحال کوئی پیشرفت سامنے نہیں آئی ہے جس کے باعث تشویش موجود ہے۔ بھارتی میڈیا کی رپورٹس میں دعویٰ کیا گیا ہے کہ محض 250 پاکستان شائقین کو ویزے دیئے جائیں گے۔ واضح رہے کہ قومی ٹیم کو 29 سمتبر کو نیوزی لینڈ کے خلاف وارم اَپ میچ میں بھی حصہ لینا ہے۔