آشوب چشم کا پھیلاؤ، پنجاب بھر میں سکولوں کیلئے الرٹ جاری

09-24-2023

(لاہور نیوز) آشوب چشم کے پھیلاؤ کے باعث محکمہ تعلیم نے صوبہ بھر میں سکولوں کیلئے الرٹ جاری کر دیا۔

آشوب چشم کے پھیلاؤ کے پیش نظر سکول ایجوکیشن ڈیپارٹمنٹ پنجاب نے صوبہ بھر کی ایجوکیشن اتھارٹیز کو مراسلہ جاری کیا ہے جس میں بچوں کو بیماری سے آگاہی کیلئے سکولوں میں زیرو پیریڈ لگانے کا فیصلہ کیا گیا ہے۔ سکول ایجوکیشن ڈیپارٹمنٹ پنجاب کی جانب سے ہدایت جاری کی گئی ہے آشوب چشم سے بچاؤ کیلئے محکمہ صحت کی ہدایات پر عمل کیا جائے، طلبا کو بیماری اور اس سے بچاؤ کی تدابیر بتائی جائیں۔