کھپت کم ہونے کے باوجود برائلر کے دام بلند

09-19-2023

(لاہور نیوز) مہنگائی کے سائے پھل اور سبزیوں پر بدستور گہرے ہیں۔ کھپت کم ہونے کے باوجود برائلر کے دام بلند ہیں۔

گوشت تو دور سبزی خریدنے کی سکت بھی جاتی جائے۔ شہری دو وقت کے کھانے کیلئے مہنگائی سے نبرد آزما ہیں۔ مرغی کے گوشت کی قیمت میں 18 روپے کا اضافہ، قیمت 531 روپے  سے  بڑھ کر  549  روپے کلو تک جا پہنچی۔ پانچ دنوں میں  برائلر  مجموعی طور پر 55 روپے تک مہنگا ہو چکا ہے۔ سبز مرچ  10 روپے کے اضافے سے  150  روپے کلو اور مارکیٹ میں  فروخت 180   روپے  کلو ہے۔ لیموں  10 روپے اضافے سے   125  روپے کے بجائے   200   روپے کلو  مل رہے ہیں۔ مارکیٹ میں ٹینڈے  220  روپے ، بینگن 110  روپے اور شلجم کی فروخت  200   روپے میں ہو رہی ہے۔ اسی طرح  پھول گوبھی کی قیمت  160   کی بجائے  190  روپے لگائی جا رہی ہے۔ پھل کے سرکاری اور مارکیٹ ریٹ میں بھی واضع فرق ہے۔ انار بدانہ  10 روپے مہنگا،  سرکاری ریٹ 540  روپے، بازار میں ایک ہزار روپے  کلو  تک فروخت جاری ہے۔ انگور  330  روپے  کے بجائے  مارکیٹ  میں 500 روپے  کلو مل رہا ہے۔ آڑو  کی سرکاری قیمت   210 روپے  لیکن مارکیٹ میں  480   روپے کلو تک  بک رہے ہیں۔ شہریوں نے حکومت اور اعلیٰ حکام سے مہنگائی کو روکنے کی پر زور استدعا کی ہے۔