متعدد سرکاری اداروں کے ذمے بھی لیسکو کے اربوں روپے واجب الادا

09-18-2023

(ویب ڈیسک) لاہور الیکٹرک سپلائی کمپنی (لیسکو) نے نادہندہ سرکاری اداروں کی فہرست جاری کر دی۔

ترجمان لیسکو کے مطابق واسا 7 ارب 67 کروڑ 98 لاکھ 80 ہزار 169 روپے کا نادہندہ ہے جبکہ ٹاؤن میونسپل اتھارٹی 3 ارب 63 کروڑ 98 لاکھ 77 ہزار 581 روپے کی نادہندہ ہے۔ لیسکو ترجمان کے مطابق محکمہ صحت لیسکو کا 42 کروڑ 44 لاکھ 46 ہزار 903 روپے کا نادہندہ ہے جبکہ محکمہ پولیس کے ذمے 43 کروڑ 94 لاکھ 87 ہزار 631 روپے واجب الادا ہیں۔ ترجمان نے بتایا ہے کہ لاہور رنگ روڈ اتھارٹی کے ذمے 50کروڑ 2 لاکھ 29 ہزار 120 روپے واجب الادا ہیں جبکہ لاہور کی ضلعی حکومت 49 کروڑ 59 لاکھ 62 ہزار 968 روپے کی نادہندہ ہے۔ پنجاب ایری گیشن اینڈ پاور ڈیپارٹمنٹ نے لیسکو کے 59 کروڑ 60 لاکھ 53 ہزار 127 روپے دینے ہیں جبکہ محکمہ ریلوے 53 کروڑ 29 لاکھ 82 ہزار 792 روپے کا نادہندہ ہے۔ لیسکو ترجمان کا کہنا ہے کہ قصور کی ضلعی حکومت کے ذمے 34 کروڑ 99 لاکھ 29 ہزار 974 روپے ہیں جبکہ ایل ڈی اے 32 کروڑ 42 لاکھ 43 ہزار 293 روپے، سروسز اسپتال 16 کروڑ 87 لاکھ 39 ہزار 636 روپے اور یونیورسٹی آف پنجاب 16 کروڑ 74 لاکھ 74 ہزار 5 روپے کی نادہندہ ہے۔