رویت ہلال کمیٹی نے ربیع الاول کے چاندسے متعلق اعلان کردیا

09-16-2023

(ویب ڈیسک) پاکستان میں ربیع الاول کا چاند نظر نہیں آیا ، یکم ربیع الاول پیر کے روز ہوگی ،عید میلاد النبی ﷺجمعہ 29 ستمبر کو ہوگی ۔

ربیع الاول کا چاند دیکھنے کیلئے مرکزی رویت ہلال کمیٹی کا اجلاس چیئرمین مولانا عبدالخبیر آزاد کی زیر صدارت وزارت مذہبی امور کوہسار بلاک اسلام آباد میں ہوا۔اجلاس کے بعد پریس کانفرنس کرتے ہوئے چیئرمین رویت ہلال کمیٹی کا کہنا تھاکہ ملک کے کسی بھی مقام سے چاند نظر آنے کی شہادت نہیں ملی جس کے بعد اتفاق رائے سے فیصلہ کیا گیا کہ یکم ربیع الاول 18 ستمبر بروز پیر کو ہوگی۔