جوڈیشل کمپلیکس حملہ کیس: سابق وزیراعلیٰ پرویز الہٰی کی ضمانت منظور

09-15-2023

(ویب ڈیسک) انسداد دہشت گردی عدالت نے صدر پاکستان تحریک انصاف و سابق وزیراعلیٰ پنجاب چودھری پرویز الہٰی کی ضمانت منظور کرلی۔

اے ٹی سی اسلام آباد میں جج ابوالحسنات محمد ذوالقرنین نے پرویز الہٰی کے خلاف جوڈیشل کمپلیکس حملہ کیس کی سماعت کی۔ انسداد دہشت گردی عدالت نے ریمارکس میں کہا کہ چودھری پرویزالہٰی سے دوران ریمانڈ کچھ برآمد نہیں ہوا، ایف آئی آر میں بھی وہ نامزد نہیں ہیں۔ عدالت نے20 ہزار روپے کے مچلکوں کے عوض صدر تحریک انصاف پرویز الہٰی کی ضمانت منظور کرتے ہوئے انہیں رہا کرنے کا حکم دے دیا۔ واضح رہے کہ عدالت نے 8 ستمبر کو سابق وزیراعلیٰ پنجاب کو 14 روزہ جوڈیشل ریمانڈ پر جیل بھیجا تھا۔ خیال رہے کہ تھری ایم پی او معطلی پر چودھری پرویز الہیٰ کو اسلام آباد ہائی کورٹ کے حکم پر رہائی کے بعد پولیس لائن سے ایک بار پھر گرفتار کیا گیا تھا۔