گیس کی قیمت میں کتنے فیصد اضافے کا خدشہ ہے؟عوام کیلئے پریشان خبر سامنے آگئی

09-09-2023

(ویب ڈیسک) آئندہ ہفتے گیس کی قیمت میں 50 فیصد سے زائد اضافے کا خدشہ ظاہر کیا جارہا ہے۔

رپورٹ کے مطابق نگران حکومت نے گیس کے شعبے کے نقصانات عوام پر منتقل کرنے کا فیصلہ کیا ہےاور گیس کے سیکٹر کا سالانہ نقصان 350 ارب روپے ہے جبکہ مجموعی گردشی قرضہ 2700 ارب تک پہنچ چکا ہے۔ ذرائع کے مطابق نقصانات کی منتقلی کے بعد گیس کی قیمت میں اضافہ ہوجائے گا، سوئی ناردرن کے ٹیرف میں 415 روپے فی ایم ایم بی ٹی یو اورسوئی سدرن کے لیے 417 روپے فی ایم ایم بی ٹی یو اضافہ ہوگا، گیس کی قیمتوں میں اضافے سے متعلق اوگرا پہلے ہی منظوری دے چکا ہے۔ ذرائع نے بتایا ہے کہ اوگرانے حتمی منظوری اور قیمتوں میں اضافے کا فیصلہ وفاقی حکومت کو بھجوایا تھا،ایل این جی اور قدرتی گیس کے درآمدی ٹیرف کے فرق کو بھی ختم کیا جائے گا۔آئی ایم ایف معاہدے کے مطابق گیس کی قیمتوں میں اضافے کا اطلاق یکم جولائی سے ہوگا، وزارت توانائی اضافے سے متعلق باضابطہ نوٹیفکیشن جاری کرے گی۔