اوور بلنگ: نیپرا نے ڈسکوز کے سی ای اوز کو طلب کر لیا

09-08-2023

(لاہور نیوز) نیپرا اتھارٹی نے ڈسکوز کی جانب سے اوور بلنگ پر سخت نوٹس لے لیا۔

اعلامیہ کے مطابق بجلی صارفین کی جانب سے نیپرا ہیڈکوارٹرز میں غلط میٹر ریڈنگ پر کثیر تعداد میں درخواستیں جمع کرائی گئی تھیں۔نیپرا شکایات میں زیادہ تر میٹر ریڈنگ کی کلیئر تصویر نہ ہونا اور میٹر ریڈنگ کی غلط تاریخ درج کرنے کا معاملہ سامنے آیا ہے۔ تاہم بجلی صارفین کی شکایات کا نوٹس لیتے ہوئے نیپرا اتھارٹی نے ڈسکوز کے سی ای اوز کو 12 ستمبر کو طلب کر لیا ہے۔