سونے کی قیمت میں دوسرے روز بھی بڑی کمی

09-07-2023

(لاہور نیوز) عالمی مارکیٹ میں سونے کی قیمت میں کمی کے باعث پاکستان میں بھی سونے کے نرخوں میں کمی واقع ہو گئی۔

بین الاقوامی مارکیٹ میں فی اونس سونے کی قیمت 5 ڈالر کمی کے باعث 1921 ڈالر ہو گئی تاہم پاکستان میں فی تولہ سونے کی قیمت میں 5 ہزار 8 سو روپے اور 10 گرام سونے کی قیمت میں 4 ہزار 957 روپے کی بڑی کمی ریکارڈ کی گئی۔ قیمتوں میں کمی کے باعث مقامی صرافہ بازاروں میں فی تولہ سونے کی قیمت 2 لاکھ 16 ہزار 5 سو روپے ہو گئی جبکہ فی دس گرام سونے کی قیمت ایک لاکھ 85 ہزار 614 روپے ہو گئی۔