15 سال سے کم عمر بچوں سے مشقتی کام کروانے پر پابندی عائد
09-03-2023
(لاہور نیوز) پنجاب میں 15 سال سے کم عمر بچوں سے مشقت والے کام کروانے پر پابندی عائد کردی گئی۔
محکمہ لیبرچائلڈ لیبر کے خاتمے کے لیے پر عزم دکھائی دیتا ہے، محکمہ لیبر پنجاب نے صوبہ بھر میں 15 سال سے کم عمر بچوں کے مشقت والے کاموں پر پابندی عائد کر دی، صوبے سے چائلڈ لیبر کے خاتمے کے لیے سیکرٹری لیبر فیصل فرید کے حکم پر ڈی جی لیبر نے مختلف ٹیمیں تشکیل دے دیں۔ سیکرٹری لیبر فیصل فرید کا کہنا ہے کہ چائلڈ لیبر نہ صرف پاکستان بلکہ دنیا کا ایک بڑا مسئلہ ہے، چائلڈ لیبر کے خاتمے کےلئے نہ صرف قانونی کارروائی کی ضرورت ہے بلکہ اس مسئلے کو جڑ سے ختم کرنا ہوگا۔ ان کا مزید کہنا تھا کہ ہر بچہ ترقی کا موقع حاصل کرنے کا حق رکھتا ہے، شہریوں کو اپنے اردگرد جہاں کہیں بھی چائلڈ لیبر نظر آئے تو فوری محکمہ لیبر کو مطلع کیا جائے ۔