مہنگی بجلی سے سرفراز احمد بھی پریشان،کرکٹرکی رحم کی اپیل

09-02-2023

(ویب ڈیسک) کرکٹر سرفراز احمد بھی مہنگی بجلی سے پریشان ہوگئے، انہوں نے عوام پر رحم کی اپیل کردی۔

ایکسپریس نیوز کے مطابق پاکستان اور جنوبی ویمن کرکٹ ٹیموں کے اعزاز میں ظہرانہ دیا گیا جس میں سابق ٹیسٹ کپتان سرفراز احمد بھی شریک ہوئے جہاں انہوں  نے  مہنگی بجلی پر پریشانی کا اظہار کیا۔ میڈیا سے گفتگو میں انہوں نے کہا کہ سولر انرجی استعمال کرنے کے باوجود بجلی کا بل بہت زیادہ آ رہا ہے، گزارش ہے کہ ہم پر کچھ  رحم کریں، عوام کو ریلیف دیا جائے۔ پاک بھارت میچ کے حوالے سے انہوں ںے کہا کہ ایشیا کپ میں آج ہائی وولٹیج میچ ہے، دنیا بھر کی نظریں اس میچ پر نظریں مرکوز ہیں، اس ایونٹ کا ہر میچ پاکستان کے لیے اہمیت کا حامل ہے، جس انداز سے بھارت کے خلاف کھیلیں ویسے ہی تمام ٹیموں کے ساتھ بھی کھیلنا ہوگا۔ انہوں نے کہا کہ ہم بھارت کے ساتھ ایک میچ جیتتے ہیں اور ایک ہارتے ہیں، ابھی پاکستان ٹیم بھارت سے بہت بہتر ہے، ورلڈ کپ 2019ء میں ہم بھارت سے ہارے تھے۔