ٹرانسپورٹرز بھی مہنگائی کی بہتی گنگا میں کود پڑے،کرایوں میں اضافہ کردیا

09-02-2023

(لاہور نیوز)پٹرولیم مصنوعات کی قیمتوں میں اضافے کے بعد ٹرانسپورٹرز نے کرایوں میں اضافہ کردیا۔

تفصیلات کےمطابق ٹرانسپورٹرز کی جانب سے 10 سے 15 فیصد تک اضافہ کر دیا گیا، لاہور سے دوسرے شہروں کے کرایوں میں 200 سے 300 روپے تک اضافہ کر دیا گیا ہے۔لاہور سے کراچی کا کرایہ5 ہزار 800 سے بڑھ کر 6 ہزار ایک سو روپے ہو گیا جبکہ راولپنڈی کا کرایہ 2 ہزار روپے، پشاور کا 2 ہزار 2 سو سے 2ہزار 350 روپے تک ہوگیاہے۔ رپورٹ کے مطابق کوئٹہ کا کرایہ 4 ہزار 2 سو سے بڑھ کر 4 ہزار 4 سو روپے ہوگیا، مری کا کرایہ 22 سو سے بڑھ کر 24 سو روپے ہوگیا ۔ ٹرانسپورٹرز کا کہنا ہے کہ پٹرولیم مصنوعات کی قیمتوں میں اضافے کے بعد گاڑیوں کے دیگر سپئیر پارٹس بھی مہنگے ہو جاتے ہیں ، کرایوں میں اضافہ کرنا مجبوری ہے ورنہ گاڑیاں بند کرنی پڑ جائینگی۔