پنجاب یونیورسٹی مالی بحران کا شکار

09-02-2023

(لاہور نیوز) پنجاب یونیورسٹی مالی بحران کا شکار ہو گئی۔ ملازمین کو پچھلے ماہ تنخواہیں نہ ملیں۔

پنجاب یونیورسٹی کے ٹیچنگ اور نان ٹیچنگ سٹاف کے ساتھ ساتھ پنشنرز کا انتظار بھی طویل ہو گیا۔ اکیڈمک سٹاف ایسوسی ایشن کے جنرل سیکرٹری ڈاکٹر امجد مگسی اور ملازمین ویلفیئر گروپ پنجاب یونیورسٹی کے عہدیداروں کا کہنا ہے کہ یونیورسٹی انتظامیہ کی بدانتظامی کی وجہ سے تنخواہیں لیٹ ہو رہی ہیں۔ اساتذہ اور ملازمین کا کہنا ہے کہ انتظامیہ کی غفلت سے مالی بحران شدید ہو رہا ہے۔