کوہ پیما پورٹرز کیلئے کم از کم 30 لاکھ روپے تک بیمہ سکیم بنانے کا منصوبہ

08-31-2023

(ویب ڈیسک ) نگران حکومت نے کوہ پیما پورٹرز کے لیے کم از کم 30 لاکھ روپے تک بیمہ سکیم بنانے کا منصوبہ بنایا ہے۔

وزیر مملکت برائے سیاحت وصی شاہ کی زیر صدارت کوہ پیماؤں اور پورٹرز سے متعلق خصوصی اجلاس اسلام آباد میں ہوا۔ اجلاس میں کوہ پیما اور ان کے پورٹرز کی تربیت کے لیے خصوصی تربیتی سینٹر بنانے پر غور کیا گیا۔ وصی شاہ نے کے ٹو سر کرنے کی مہم کے دوران گر کر جاں بحق ہونے والے پورٹر محمد حسن کی وفات پر اظہار افسوس کرتے ہوئے پورٹرز کے لیے کم ازکم 30 لاکھ روپے تک بیمہ سکیم تیار کرنے کی ہدایت کی۔ انہوں نے کہا کہ پاکستان میں سیاحت کے وسیع مواقع موجود ہیں، ہمیں دنیا کو ان مواقع سے آگاہ کرنے کی ضرورت ہے۔