عالمی مارکیٹ میں سونا مہنگا، پاکستان میں سستا ہوگیا

08-28-2023

(لاہورنیوز) عالمی مارکیٹ میں سونے کی قیمت میں اضافے کے باوجود پاکستان میں سونے کے نرخ کم ہوگئے۔

بین الاقوامی مارکیٹ میں فی اونس سونے کی قیمت ایک ڈالر اضافے کیساتھ 1915 ڈالر ہوگئی جبکہ پاکستان میں فی تولہ سونے کی قیمت میں ایک ہزار 500 روپے اور فی دس گرام سونے کی قیمت میں ایک ہزار 286 روپے کی کمی ریکارڈ کی گئی۔ قیمتوں میں کمی کے باعث مقامی صرافہ بزاروں میں فی تولہ سونے کی قیمت 2 لاکھ 33 ہزار روپے اور دس گرام سونے کی قیمت ایک لاکھ 99 ہزار 760 روپے ہوگئی۔دوسری جانب چاندی کی قیمتیں بغیر کسی تبدیلی کے فی تولہ 2850 روپے اور فی دس گرام 2443.41 روپے کی سطح پر برقرار رہیں۔