مجرم جیل جاتے ہیں لیکن کچھ نہیں ہوتا،ہمیں خاموش نہیں ہونا چاہئے: ماہرہ خان

08-23-2023

(ویب ڈیسک) اداکارہ ماہرہ خان کا کہنا ہے کہ مجرم جیل جاتے ہیں لیکن کچھ نہیں ہوتا، کچھ ہونے تک ہمیں خاموش نہیں ہونا چاہئے۔

ماہرہ خان نے میڈیا سے گفتگو کرتے ہوئے کہا کہ کوئی واقعہ ہوتا ہے مجرم جیل میں چلے جاتے ہیں۔ ہم خاموش ہوجاتے ہیں اور کچھ نہیں ہوتا۔ جب ایک لڑکی سے زیادتی  ہوئی، بدترین تشدد ہوا اس کے دانت تک توڑ دیے گئے تو اس پر ایک بار بات کرنے کے بعد کیوں خاموشی ہوجاتی ہے۔ اداکارہ نے مزید کہا کہ ہر روز اس واقعہ سے متعلق ٹوئٹ کروں گی، میں صرف یہ چاہتی ہوں کہ میڈیا اس بارے میں بات کرنا ختم نہ کرے، اس واقعہ کی مسلسل کوریج کی جائے۔ ماہرہ خان نے کہا کہ جب قانون بنانے والوں کے گھر میں ایسے واقعات ہوں گے تو ہم کس سے قانون کے بارے میں بات کرینگے، انصاف میں تاخیر کا مطلب نا انصافی ہے، جب بھی کوئی واقعہ ہوتا ہے اس کے مجرم جیل میں چلے جاتے ہیں تاکہ ہم سب چپ ہوجائیں لیکن کچھ ہوتا نہیں ہے اس لیے جب تک کچھ نہ ہو ہمیں چپ نہیں ہونا چاہیے۔