معروف مصنف خلیل الرحمان قمر نے ماہرہ خان سے متعلق بڑا بیان دیدیا

08-20-2023

(ویب ڈیسک)ٹی وی ڈراموں کے معروف مصنف خلیل الرحمان قمر نے کہا ہے کہ اب میں اداکارہ ماہرہ خان کیساتھ کبھی بھی کام نہیں کروں گا۔

تفصیلات کےمطابق اپنے بیان میں خلیل الرحمان قمر کا کہنا تھا کہ ان کے اور ماہرہ خان کے درمیان شوبز انڈسٹری کے لوگوں نے ثالثی کروانے کی کوشش کی تھی، لیکن وہ فائدہ مند ثابت نہیں ہوئی۔ انہوں نے مزید کہا کہ میں حیران ہوتا ہوں اور حیران رہوں گا کہ جس قدر میرا ماہرہ خان سے عزت کا تعلق تھا وہ کسی بھی طرح اس بات کی اجازت نہیں دیتا کہ وہ اتنا بے ہودہ ٹوئٹ کریں، میں کئی بار کہہ چکا ہوں کہ وہ مجھے کال کرسکتی تھیں، مجھ پر خفا ہوجاتیں تو میں انہیں وضاحت دیتا، لوگوں کو یہ چیزیں بعد میں سمجھ آئیں جب لوگوں نے مجھے مسلسل سنا۔