پولٹری مصنوعات کی قیمتوں کو بریک نہ لگ سکی

08-18-2023

(لاہور نیوز) مہنگائی کے وار مسلسل جاری ہیں۔ پولٹری مصنوعات کی قیمتوں کو بریک نہ لگ سکی۔

ہوشربا مہنگائی سے عوام کی قوت خرید سکڑ گئی۔ پولٹری مصنوعات ، سبزیاں اور پھل پہنچ سے باہر ہو گئے۔ برائلر مزید 2 روپے مہنگا ، فی کلو قیمت 608 روپے ہو گئی۔ فارمی انڈے مزید ایک روپیہ  مہنگے ، 293 روپے فی درجن ہو گئے۔ سبزیاں اور پھل بھی پہنچ سے دور ہیں۔ سرکاری ریٹ لسٹ میں 6 سبزیاں مزید مہنگی کر دی گئیں۔ اوپن مارکیٹ میں سبز مرچ 140 ، پھول گوبھی 160 ، شلجم  180 روپے فی کلو ہیں۔ بھنڈی 130  ، اروی 150  اور گھیا توری 80  روپے فی کلو مل رہی۔ پھلوں کی خریداری بھی مشکل ہو گئی۔ سرکاری نرخ نامہ میں  3  پھل مزید مہنگے ہو گئے۔ مارکیٹ میں سیب درجہ اول  250   ، آلو بخارا 480 ، آم 280  روپے فی کلو دستیاب ہیں۔ خریدار کہتے ہیں مہنگائی نے قوت خرید انتہائی محدود کر دی ہے۔ انتظامیہ سرکاری نرخ ناموں پر عملدرآمد کرانے میں بھی مسلسل ناکام ہے ۔