لاہور ہائیکورٹ: پولیس نے حسان نیازی سے متعلق درخواست پر جواب جمع کرا دیا

08-18-2023

(لاہور نیوز) لاہور پولیس نے چیئرمین پاکستان تحریک انصاف کے بھانجے حسان نیازی سے متعلق درخواست پر جواب لاہور ہائیکورٹ میں جمع کروا دیا۔

پولیس رپورٹ میں عدالت کو بتایا گیا کہ حسان خان نیازی جناح ہاؤس حملہ کیس میں نامزد ہیں، حسان نیازی جناح ہاؤس حملہ کیس میں مرکزی ملزمان میں شامل ہیں، حسان نیازی کو ٹرائل کے لیے ملٹری کے حوالے کردیا گیا ہے۔ ایڈیشنل ایڈووکیٹ جنرل غلام سرور نے رپورٹ عدالت عالیہ میں جمع کرائی۔ خیال رہے گزشتہ روز لاہور ہائیکورٹ نے حفیظ اللہ نیازی کی درخواست پر ان کے بیٹے حسان نیازی کو آج عدالت پیش کرنے کا حکم دیا تھا۔