مہوش حیات ہتک عزت کیس،عدالتی کارروائی کی کیا صورتحال ہے؟جانئے

08-15-2023

(ویب ڈیسک)عدالت نے سوشل میڈیا پر جھوٹی مہم چلانے سے متعلق اداکارہ مہوش حیات اور کبریٰ خان کی درخواست پر آئندہ سماعت پر ڈپٹی ڈائریکٹر سائبر کرائم کو طلب کرتے ہوئے تفتیشی افسر کو رپورٹ کے ساتھ پیش ہونے کا حکم دے دیا۔

رپورٹ کے مطابق ہائیکورٹ میں سوشل میڈیا پر جھوٹی مہم چلانے سے متعلق اداکارہ مہوش حیات اور کبریٰ خان کی عادل فاروق راجہ کیخلاف درخواست پر سماعت ہوئی۔تفتیشی افسر نے بتایا کہ سوشل میڈیا پر مہوش حیات اور رابعہ اقبال عرف کبریٰ خان کیخلاف تمام لنکس بلاک کردیئے ہیں لیکن ٹوئٹر انتظامیہ کا تاحال جواب موصول نہیں ہوا۔ تفتیش مکمل نہ ہونے پر عدالت نے اظہار برہمی کرتے ہوئے آئندہ سماعت پر ڈپٹی ڈائریکٹر ایف آئی اے سائبر کرائم کو طلب کرلیا۔ عدالت نے تفتیشی افسر کو بھی پروگریس رپورٹ کے ساتھ پیش ہونے کا حکم دیدیا۔ تاہم عدالت نے درخواستوں کی سماعت 7 ستمبر  تک ملتوی کردی۔واضح رہے کہ اداکارہ مہوش حیات اور کبریٰ خان کی جانب سے دائر درخواست میں موقف اپنایا گیا تھا کہ یو ٹیوبر عادل نے میڈیا انڈسٹری کی 4 نامور اداکاراؤں کیخلاف جھوٹے الزامات لگا کر ان کی تذلیل کی۔