لنکا پریمیئر لیگ میں بابراعظم کی وکٹ لینے پر حسن علی نے جشن کیوں نہیں منایا؟جانئے

08-14-2023

(ویب ڈیسک) حسن علی نے بابر اعظم کو آؤٹ کرنے کے بعد جشن نہ منانے کی وجہ بتادی۔

  تفصیلات کےمطابق لنکا پریمیئر لیگ میں کولمبو سٹرائیکرز کی نمائندگی کرنے والے قومی کپتان بابراعظم کو دمبولا اورا کی جرسی زیب تن کرنے والے حسن علی نے آؤٹ کیا لیکن اس کے باوجود انھوں نے وکٹ ملنے پر روایتی انداز سے جشن نہیں منایا۔ وجہ بیان کرتے ہوئے پاکستانی پیسر حسن علی نے کہا کہ میں بابر کی دل سے قدر کرتا ہوں، انھوں نے کہا کہ وہ ہمارے کنگ اور کپتان ہیں، لہذا ان کی عزت ہمیشہ میرے دل میں رہتی ہے، اس لیے میں ان کی وکٹ ملنے پر خوشی منانا پسند نہیں کرتا۔انہوں نے کہا کہ  میرے لیے انھیں جلد آؤٹ کرلینا خوش کن ہے، کیونکہ ہم جانتے تھے کہ وہ کسی بھی وقت میچ کا پانسہ پلٹ سکتا ہے۔