اپنی شادی سے متعلق افواہوں پر علی سیٹھی کا بھی ردعمل آگیا

08-12-2023

(ویب ڈیسک) بین الاقوامی شہرت یافتہ پاکستانی گلوکار علی سیٹھی نے اپنی شادی سے متعلق گردش کرتی افواہوں کو جھوٹا قرار دے دیا۔

گزشتہ چند دن سے سوشل میڈیا پر یہ افواہیں گردش کر رہی تھیں کہ علی سیٹھی نے ایک دوست سے شادی کرلی، اسی وجہ سے گلوکار ٹوئٹر پر ٹاپ ٹرینڈ کررہے تھے۔ اب علی سیٹھی نے انسٹاگرام پر اسٹوری کے ذریعے ان خبروں کو جھوٹا قرار دیا ہے۔ انہوں نے اپنی سٹوری میں وضاحت پیش کی کہ 'میں نے شادی نہیں کی، مجھے نہیں معلوم یہ افواہ کس کی پھیلائی ہوئی ہے'۔ گلوکار نے اپنے نئے گانے کا لنک شیئر کرتے ہوئے اپنی سٹوری میں مزید لکھا ہے کہ ’ میرے متعلق یہ افواہ پھیلانے والوں کو میرے نئے گانے کی تشہیر میں مدد کرنی چاہیے‘۔ خیال رہے کہ علی سیٹھی پاکستان کے نامور گلوکار ہیں جن کے متعدد گانے پاکستان سمیت بھارت اور دیگر ممالک میں سپرہٹ ہوئے۔ علی سیٹھی اور شے گل کا فروری 2022 میں ریلیز ہونے والا کوک سٹوڈیو کا گانا ’پسوڑی‘ مداحوں کی جانب سے بے حد پسند کیا گیا، اور اس نے کئی ریکارڈز بھی توڑ ڈالے۔