ملک کو فوج یا کوئی لیڈر نہیں صرف نظریہ بچا سکتا ہے: سراج الحق

08-05-2023

(لاہور نیوز) امیر جماعت اسلامی سراج الحق نے کہا ہے کہ ملک کو ایٹم بم، یا کوئی لیڈر نہیں صرف نظریہ بچا سکتا ہے، ملک کو نظریئے کے مطابق چلایا جائے۔

لاہور میں میڈیا سے گفتگو کرتے ہوئے سراج الحق نے کہا ہے کہ اس وقت ملک مسلح دہشت گردی کی لپیٹ میں ہے، مسلح دہشت گردی کی ہمارے حکمرانوں کو کوئی فکر نہیں ہے۔امیر جماعت اسلامی سراج الحق نے مزید کہا ہے کہ اس ملک میں معاشی دہشت گردی ہے، معاشی دہشت گردی ہی مسلح دہشت گردی کی بنیاد ہے، طاقتور عدالتیں اور جج خریدتے ہیں۔