وزیراعظم سے محسن نقوی کا ٹیلیفونک رابطہ، رضوانہ تشدد معاملے پر بات چیت

08-01-2023

(لاہور نیوز) نگران وزیراعلیٰ پنجاب محسن نقوی نے وزیراعظم شہباز شریف سے ٹیلیفونک رابطہ کیا جس میں گھریلو ملازمہ رضوانہ پر تشدد کیس کے حوالے سے بات چیت کی گئی۔

محسن نقوی نے وزیراعظم کو بتایا کہ متاثرہ بچی کے والدین نے ملاقات میں انصاف اور مدد کی اپیل کی ہے، وزیراعلیٰ پنجاب نے بچی کی صحت اور علاج معالجے سے متعلق بھی وزیراعظم کو آگاہ کیا۔ وزیراعظم شہباز شریف نے وزیراعلیٰ پنجاب کو مظلوم خاندان کی ہر ممکن مدد اور فوری انصاف کی فراہمی کی یقین دہانی کروا دی ہے۔