سبزیاں اور پھل عوام کی قوت خرید سے باہر، برائلر گوشت کی قیمت میں کمی

07-28-2023

(لاہور نیوز) سبزیاں اور پھل عوام کی قوت خرید سے باہر ہیں۔ برائلر گوشت کی قیمت میں کمی کا رجحان ہے تو انڈے مزید مہنگے ہو رہے ہیں۔

مہنگائی کا گراف مزید بلند ہونے لگا۔ سبزیاں، پھل اور پولٹری مصنوعات بدستور پہنچ سے دور ہیں۔ سرکاری ریٹ لسٹ میں 7 سبزیوں کے دام مزید بڑھا دئیے گئے۔ اوپن مارکیٹ میں پیاز 80 ، سبز مرچ 130، لیموں 220   روپے فی  کلو ہیں۔ شلجم 160، شملہ مرچ 180، مٹر 360   روپے فی کلو فروخت ہو رہے ہیں۔گھیا توری  130  روپے فی کلو مل رہی ہے۔ پھلوں میں سیب اور انگور  450 ، آڑو 300  اور آم 260  روپے فی  کلو دستیاب ہیں۔ کیلے درجہ اول 220  روپے   فی درجن بیچے جا رہے ہیں۔ شہری کہتے ہیں خریداری اب آسان نہیں رہی۔ بڑھتی مہنگائی پر حکومت اور انتظامیہ خاموش ہیں۔ برائلر گوشت   7 روپے سستا ہونے کے بعد  فی کلو قیمت 560 روپے مقرر کی گئی جبکہ انڈے مزید ایک روپیہ مہنگے ہونے کے بعد 272 روپے فی  درجن ہو گئے۔