سٹیمپ ڈیوٹی کے شیڈول ون میں ترامیم، سٹیمپ پیپر کی قیمتوں میں ہوشربا اضافہ
07-25-2023
(لاہور نیوز) پنجاب حکومت نے سٹیمپ ڈیوٹی ایکٹ کے شیڈول ون میں ترامیم کر دیں، بیان حلفی کے سٹیمپ پیپر کی قیمت 100 سے بڑھا کر 300 روپے کردی گئی۔
پراپرٹی کی فروخت پر معاہدے کے لیے 12 سو روپے کے بجائے سٹیمپ پیپر کی قیمت 3000 روپے مقرر کردی گئی، کسی بھی معاہدے کے لیے سٹیمپ پیپر کی ڈیوٹی 3000 سے بڑھا کر 30 ہزار روپے تک مقرر کرنے کی منظوری دے دی گئی۔ پاور آف اٹارنی کے لیے استعمال ہونے والے سٹیمپ پیپرز پر ڈیوٹی کی فیس 2 ہزار روپے سے بڑھا کر 3 ہزار روپے کردی گئی، طلاق کے لیے سٹیمپ پیپر پر ڈیوٹی 100 روپے کے بجائے 1000 روپے کر دی گئی۔ ذرائع کے مطابق حکومت کو رواں مالی سال میں سٹیمپ ڈیوٹی پر شیڈول ون میں کی گئی ترامیم سے 4 ارب کی آمدن حاصل ہوگی۔