پی آئی اے کی بہتری کیلئے کیا اقدامات اٹھائے جارہے ہیں؟وزیر خزانہ اسحاق ڈار کا بیان جاری

07-23-2023

(ویب ڈیسک)وزیر خزانہ اسحاق ڈار نے قومی ایئر لائنز پی آئی اے کی بہتری کیلئے زیادہ مدد کی فراہمی کے عزم کا اظہار کردیا۔

وفاقی وزیرخزانہ اسحاق ڈارنے پاکستان انٹرنیشنل ایئرلائنز کی بہتر ی کے لیے زیادہ سے زیادہ مدد فراہم کرنے کے عزم کا اظہار کیا ہے،انہوں نے یہ بات پی آئی اے کے چیف ایگزیکٹوآفیسر ایئر وائیس مارشل محمد عامر حیات سے ملاقات میں کہی، ملاقات میں پی آئی اے سے متعلق امور پر تبادلہ خیال کیاگیا۔ پی آئی اے کے چیف ایگزیکٹوآفیسر نے حکومت سے مالی تعاون کی درخواست کی، وزیر خزانہ نے پی آئی اے کی کارکردگی کو بہتر بنانے اور جلد از جلد یورپ کیلیے پروازوں کو شروع کروانے کیلیے وزیرِ ہوابازی خواجہ سعد رفیق سے بھرپور معاونت کا عندیہ بھی دیا۔ مزید برآں ایک ٹویٹ میں وزیرخزانہ نے کہاکہ زرعی آمدن پر نہ کوئی وفاقی ٹیکس لگایا گیا اور نہ ہی لگایا جائے گا۔