معروف ڈرامے 'ارتغرل ' پر اداکار یاسر نواز کا تبصرہ سامنے آگیا

07-16-2023

(ویب ڈیسک)پاکستان کے معروف اداکار یاسر نواز نے کہا ہے کہ 'ارتغرل' ڈرامے میں جنگوں سے زیادہ ساس بہو کی سازشیں اور رومانس دکھایا گیا ہے۔

حال ہی میں اداکار یاسر نواز اور ان کی اہلیہ ندا یاسر ایک انٹرویو کا حصہ بنے جہاں انہوں نے پاکستانی اور غیر ملکی میڈیا کی جانب سے نشر کیے جانے والے مواد پر اپنی رائے کا اظہار کیا۔یاسر نواز نے کہا کہ  لوگ پاکستان کے پروگرامز اور ڈراموں پر اس لئے تنقید کرتے ہیں کہ اس میں ساس بہو کی سازشیں دکھائی گئی ہیں  تو میں بتانا چاہوں گا کہ  ایسا غیر ملکی ڈراموں میں بھی ہوتا ہے۔   ان کا کہنا تھا کہ عوام کو وہی دکھایا جاتا ہے جو وہ دیکھنا چاہتے ہیں جیسے ترکیہ کے مشہور ’ارتغرل غازی‘ ڈرامے میں جنگوں سے زیادہ ساس بہو کی سازشیں اور ہیرو ہیروئن میں رومانس دکھایا گیاہے۔