عید پر بچوں سے نہیں ملوایا گیا،اداکار فیروزخان کا عدالت میں بیان

07-15-2023

(ویب ڈیسک) فیملی جج نے معروف اداکار فیروز خان اور ان کی سابقہ اہلیہ علیزے کے درمیان تنازعہ سے متعلق گرمیوں کی چھٹیوں میں بچوں کی کسٹڈی کی درخواست پر فریقین کو نوٹس جاری کر دیئے۔

رپورٹ کے مطابق سٹی کورٹ میں فیملی جج کے روبرو معروف اداکار فیروز خان اور ان کی سابقہ اہلیہ علیزے کے درمیان  تنازعہ سے متعلق اداکار کی جانب سے دائر گرمیوں کی چھٹیوں میں بچوں کی کسٹڈی کی درخواست پر سماعت ہوئی۔ فیروز خان عدالت میں پیش ہوئے  اور کہا کہ میری بچوں سے ملاقات نہیں کرائی جا رہی ہے، عید پر بچوں کیلئے کپڑے و دیگر چیزیں بھی لیں  لیکن مجھے بچوں سے نہیں ملایا گیا اور نہ ہی بچوں کو کپڑے دے سکا۔وکیل نے موقف دیا کہ علیزے کے گھر میں میڈیکل ایمرجنسی کی وجہ سے بچوں کو عدالت نہیں لا سکتے۔ عدالت نے درخواست پر فریقین کو نوٹس جاری کرتے ہوئے 17 جولائی تک فریقین سے جواب طلب کرلیا۔ یاد رہے کہ عدالتی حکم پر آج بچوں کی فیروز خان سے ملاقات ہونی تھی۔ فیروز خان اور علیزے سلطان کے درمیان چند ماہ قبل علیحدگی ہوگئی تھی۔ فیروز خان نے بچوں سے ملاقات کیلئے عدالت سے رجوع کر رکھا ہے۔