ورلڈ انڈر 21 سنوکر چیمپئن شپ: حمزہ الیاس نے ایک اور کامیابی حاصل کرلی

07-13-2023

(لاہور نیوز ) ورلڈ انڈر 21 سنوکر چیمپئن شپ میں پاکستان کے حمزہ الیاس نے دوسرا میچ بھی جیت لیا ہے۔

17 سالہ حمزہ الیاس نے بھارت کے 12 سال کے آراوو سنچیتی کو 1-3 سے شکست دیکر فتح حاصل کی۔حمزہ نے اس سے قبل عراق کے عمر الفہدل کو شکست دی تھی، مسلسل دو میچز جیت کر حمزہ کی اگلے راؤنڈ تک رسائی یقینی بن چکی ہے۔حمزہ الیاس اپنا آخری میچ جرمنی کے فیبیان ہیکن کے خلاف کھیلیں گے جبکہ پاکستان کے احسن رمضان گروپ کے تینوں میچز آج کھیلیں گے۔واضح رہے کہ انڈر 21 ورلڈ سنوکر چیمپئن شپ پاکستان کے 2 کیوسٹ شرکت کر رہے ہیں۔