منی لانڈرنگ کیس: صدر پی ٹی آئی پرویز الہٰی کی درخواست ضمانت منظور

07-11-2023

(لاہور نیوز) لاہور کی بینکنگ کورٹ نے پاکستان تحریک انصاف (پی ٹی آئی) کے صدر چودھری پرویز الہٰی کی بعد ازگرفتاری درخواست ضمانت منظور کر لی۔

عدالت نے سابق وزیراعلیٰ پنجاب چودھری پرویز الہٰی کو 5 لاکھ روپے کے ضمانتی مچلکے جمع کروانے کا حکم دیا ہے۔ بینکنگ کورٹ کے جج اسلم گوندل نے فیصلہ سناتے ہوئے کہا کہ ایف آئی اے نے عدم تعاون کا رویہ اپنایا، عدالتی حکم کے باوجود ایف آئی اے نے ریکارڈ پیش نہیں کیا۔ خیال رہے کہ ایف آئی اے نے پرویز الہٰی کے خلاف مقدمہ درج کر رکھا ہے، انہیں 26 جون کو جیل سے رہائی کے بعد منی لانڈرنگ کے کیس میں ایف آئی اے نے گرفتار کیا تھا۔