تعلیمی بورڈ لاہور میں تبادلوں کی ہوا چل پڑی

07-08-2023

(لاہور نیوز) تعلیمی بورڈ لاہور میں تبادلوں کی ہوا چل پڑی۔ سیاسی اور سفارشوں سے تبادلوں کی لائن لگ گئی۔

لاہور بورڈ میں چند روز میں تیس کے قریب افسران اور آفیشلز کے تبادلے کر دیئے گئے۔ مختلف برانچوں کی اہم سیٹوں پر تبادلوں کے احکام جاری کئے گئے۔ ذرائع کا کہنا ہے کہ تبادلے سیاسی بنیادوں پر کیے گئے ۔ بورڈز میں موجود ملازمین کے دونوں گروپ متحرک ہیں۔ دونوں گروپوں نے اپنی پسندیدہ سیٹوں پر اپنے بندوں کے تبادلے کروائے۔